Redefinición do reto REHEAL: Consulta Preliminar ao Mercado (CPM) previa á licitación (ABERTA)


O Servizo Galego de Saúde (SERGAS) e a Axencia Galega de Coñecemento en Saúde (ACIS) participan no proxecto europeo REHEAL, financiado polo programa Horizonte Europa, que ten como obxectivo impulsar solucións innovadoras para transformar a cadea de subministración sanitaria cara a un modelo máis circular, sostible e resiliente.

Tras analizar as achegas recibidas nas anteriores Consultas Preliminares ao Mercado (CPM), o consorcio do proxecto europeo REHEAL revisou e redefiniu o seu reto e os seus compoñentes, co obxectivo de simplificar o seu enfoque e avanzar cara a unha cadea de subministración sanitaria máis circular, sostible e innovadora.

Esta nova fase da CPM busca presentar o reto actualizado e recoller novas achegas do mercado que contribúan á preparación da futura licitación de Compra Pública Precomercial (CPP).

Convidamos empresas, centros tecnolóxicos, entidades de investigación e outros axentes innovadores a participar nesta nova consulta, tanto se xa participaron nas anteriores como se se incorporan por primeira vez.


Información relevante da nova fase da CPM de REHEAL

​

1. Documento actualizado do reto REHEAL
O consorcio REHEAL pon á disposición dos axentes interesados a documentación actualizada da Consulta Preliminar ao Mercado, na que se presenta a nova definición do reto e dos seus compoñentes.

Recoméndase revisar esta documentación antes de completar o formulario de participación, co fin de coñecer os cambios introducidos e os aspectos sobre os que se solicita a opinión do mercado.

Consulta o documento actualizado da CPM de REHEAL 🔗 Ligazón

2. Formulario de consulta ao mercado

REHEAL convida a empresas, centros tecnolóxicos, entidades de investigación e outros axentes innovadores a compartir a súa valoración sobre a definición actualizada do reto a través dun formulario en liña.

O formulario permitirá recoller información sobre a viabilidade das solucións propostas, as capacidades tecnolóxicas do mercado e outros aspectos relevantes para a preparación da futura contratación pública precomercial.

As organizacións que xa participaron nas consultas anteriores poderán centrarse nas preguntas obrigatorias e achegar información adicional nas preguntas opcionais cando dispoñan de novas consideracións ou datos actualizados.

Accede ao formulario da CPM 🔗Ligazón​
Prazo límite de participación: 16 de novembro de 2026 ás 23:59h

3. Xornada informativa da CPM organizada polo SERGAS e ACIS

O Servizo Galego de Saúde (SERGAS) e a Axencia Galega para a Xestión do Coñecemento en Saúde (ACIS) organizaron, co apoio técnico de Galaria, Empresa Pública de Servizos Sanitarios, SA, unha nova xornada informativa en Galicia para dar a coñecer a actualización do reto REHEAL e promover a participación do ecosistema galego de innovación nesta nova fase de consultas.

A xornada permitiu presentar os cambios introducidos no reto, resolver dúbidas e informar sobre as oportunidades de participación e colaboración no marco do proxecto.

Pode acceder ao vídeo da xornada na seguinte 🔗​ligazón de YouTube.

4. Webinar informativo europeo sobre a actualización do reto REHEAL
O consorcio REHEAL organizou, o día 11 de novembro, un webinar informativo a nivel europeo para presentar a definición actualizada do reto, explicar os seus compoñentes e facilitar a participación dos axentes interesados nesta nova fase da CPM.​

Pode visualizar a sesión na seguinte 🔗ligazón de YouTube​.


​
Contidos relacionados

Axencia Galega de Coñecemento en Saúde

A Axencia Galega para a Xestión do Coñecemento en Saúde é unha entidade pública galega creada coa vocación de converterse no elemento nucleador do ecosistema de coñecemento e innovación en saúde en Galicia.