Este documento realizouse no marco de colaboración previsto no Plan de Calidade para o Sistema Nacional de Saúde elaborado polo Ministerio de Sanidade, Política Social e Igualdade, ao abeiro do convenio de colaboración subscrito polo Instituto de Saúde Carlos III, organismo autónomo do Ministerio de Ciencia e Innovación, e Fundación Complexo Hospitalario Universitario da Coruña.

​A diferenza da cirurxía convencional, o recambio valvular aórtico mediante prótese sen sutura consiste nun implante que non precisa ser fixado ao anel mediante múltiples puntos de sutura. Con iso preténdese reducir o tempo de intervención, de isquemia miocárdica e de by-pass cardiopulmonar.

A válvula ATS 3 f EnableTM (modelo 6000) é un modelo baseado en o 3f aortic bioprosthesis, que consistía nunha válvula biolóxica de pericardio bovino sen soporte (stentless) (1). Modificouse engadíndolle un stent de nitinol autoexpandible que presenta un rebordo de poliéster para axudar a previr fugas paravalvulares. Unha vez resecada a válvula aórtica enferma, introdúcese no anel aórtico e irrígase con auga quente para que expanda o nitinol, fixándose ao anel aórtico.

Foi implantada por primeira vez en xaneiro do 2005 e actualmente está dispoñible en varios tamaños (19-29 mm).