Este documento realizouse no marco de colaboración previsto no "Plan de Calidad para el Sistema Nacional de Salud elaborado por el Ministerio de Sanidad y Política Social", ao amparo do convenio de colaboración subscrito polo "Instituto de Salud Carlos III", organismo autónomo do "Ministerio de Ciencia e Innovación" e a Fundación Complexo Hospitalario Universitario da Coruña.

A lumbalxia é unha patoloxía moi frecuente que se asocia con elevados custos sanitarios e laborais. A maior parte son inespecíficas e non teñen unha causa orgánica, polo que adoitan resolverse en poucas semanas, aínda que se cronifican nun pequeno grupo de pacientes. A neurorreflejoterapia (NRT) é un procedemento minimamente invasivo que se utiliza no tratamento da lumbalxia inespecífica. Consiste na implantación temporal intradérmica de punzóns no pavillón auricular e de grapas cirúrxicas en determinados puntos gatillo relacionados coas metámeras clinicamente implicadas na lumbalxia.

O obxectivo do informe é avaliar a eficacia, efectividade e seguridade da neurorreflejoterapia no tratamento da dor lumbar inespecífico en adultos.