Este informe realizouse a petición da Comisión Asesora para a Incorporación de Técnicas, Tecnoloxías e Procedementos como solicitude de autorización para a incorporación do procedemento na Carteira de Servizos do Sistema Sanitario Público de Galicia.

A sialoendoscopia é unha técnica diagnóstico/terapéutica minimamente invasora que permite a visualización directa do conduto salival mediante a introdución dun endoscopio de pequeno calibre. Inicialmente utilizada con propósito diagnóstico, na actualidade realízase con fins terapéuticos para o tratamento da patoloxía salival obstrutiva.

O obxectivo deste informe é avaliar a efectividade e seguridade da sialoendocopia como técnica diagnóstica/terapéutica no manexo de procesos salivais obstrutivos.