O
Ministerio de Ciencia e Innovación abriu a fase de expresións de
interese previa á Convocatoria 2022 de Proxectos de Innovación en
Medicina Personalizada e Terapias Avanzadas, que forma parte do PERTE
para a Saúde de Vangarda e estará xestionada polo Centro para o
Desenvolvemento Tecnolóxico e a Innovación (CDTI) e o Instituto de
Saúde Carlos III (ISCIII).
O
obxectivo destas axudas é coordinar as capacidades científicas
e empresariais para lograr un avance máis rápido no desenvolvemento
de produtos de diagnóstico clínico para medicina personalizada e
medicamentos estratéxicos emerxentes e orientar os esforzos
investigadores e innovadores no ámbito da colaboración
público-privada.
A
convocatoria busca apoiar proxectos de innovación en medicina
personalizada e terapias avanzadas no ámbito da saúde cara aos
seguintes retos:
-Diagnóstico
precoz e máis preciso.
-Tratamentos
innovadores e personalizados.
-Mellora
do seguimento e a rehabilitación das enfermidades crónicas.
• Duración:
2 anos (01/01/23 a 31/12/24)
• Intensidades
de axuda:
-Para
os centros e organismos de investigación concederanse subvencións
de ata o 100% dos gastos elexibles e non existe un orzamento
mínimo.
-Para
as empresas concederanse axudas parcialmente reembolsables de ata o
90% do orzamento elexible, cun tramo non reembolsable do 33% da
axuda. O tipo de interese do tramo reembolsable será Euribor a un
ano, fixado no momento da concesión da axuda. O orzamento mínimo
por empresa será de 175.000€.
• Fases
da convocatoria:
Fase
1: expresións de interese. Presentación de proxectos conxuntos
entre empresas e organismos e centros de investigación do Sistema
Nacional de Saúde. A participación nesta fase é requisito
indispensable para poder acceder á fase posterior de solicitude
de financiamento.
Prazo
de Presentación de expresión de interese: do 23 de
setembro ata o fin de prazo da presentación das solicitudes de axuda
ás entidades financiadoras.
Fase
2: solicitude de axudas. Aínda que se trata de proxectos en
colaboración, o financiamento concederase de maneira separada a cada
beneficiario, en procedementos distintos por parte do CDTI e do
ISCIII.
No
lateral dereito dispoñedes de acceso a máis información e na parte
inferior dispoñedes dun pequeno vídeo resumo da convocatoria.
Publicado no BOE do 29 de setembro de 2022 o EXTRACTO DA CONVOCATORIA
O prazo de xeración e presentación das solicitudes e da restante documentación necesaria iniciase o 6 de outubro de 2022 e finaliza ás 15:00 horas, hora peninsular, do 26 de outubro de 2022