Este documento realizouse no marco de colaboración previsto no Plan de Calidade para o Sistema Nacional de Saúde elaborado polo Ministerio de Sanidade, Política Social e Igualdade, ao abeiro do convenio de colaboración subscrito polo Instituto de Saúde Carlos III, organismo autónomo do Ministerio de Ciencia e Innovación, e Fundación Complexo Hospitalario Universitario da Coruña.

Despois dun recambio valvular poden producirse fugas perivalvulares (FPV) que provocan insuficiencia cardíaca ou hemólise, e polo tanto deben ser reparadas.

O tratamento de elección para as FPV é a reintervención, non obstante en pacientes con alto risco cirúrxico a alternativa é o tratamento percutáneo das FPV co uso de dispositivos Amplatzer.

O obxectivo principal deste informe é avaliar a eficacia, efectividade e seguridade dos dispositivos Amplatzer en pacientes con FPV.