No B.O.E. de data 2 de xuño de 2026 publicouse o Extracto da Resolución do 29 de maio de 2026, da Presidencia da Axencia Estatal de Investigación, pola que se aproba a convocatoria para o ano 2026 das axudas a Redes de investigación, cuxo texto completo pode consultarse na Base de datos Nacional de Subvencións, con identificador BDNS:905822
O obxectivo destas axudas é incentivar a creación de redes de investigación para promover a complementariedade de capacidades e optimizar os recursos de investigación existentes, xerando sinerxias entre grupos de investigación de distintas institucións. As actividades científico-técnicas ás que van dirixidas estas redes teñen que demostrar o seu valor engadido en base á consecución de obxectivos comúns e compartidos e a realización de actividades que non poderían financiarse a través doutros instrumentos.
As axudas financiarán as actividades para a creación e desenvolvemento de redes de grupos de investigación en catro modalidades:
a) Modalidade Redes Temáticas: encamiñadas a fomentar a colaboración, coordinación e creación de sinerxias e complementariedade entre grupos de investigación financiados en convocatorias anteriores de proxectos do Plan Estatal de I+D+i, así como incrementar o impacto dos resultados de investigación obtidos en ditos proxectos.
b) Modalidade Redes ICTS: encamiñadas a fomentar a coordinación interna e as actividades das redes de ICTS.
c) Modalidade Redes Estratéxicas: encamiñadas a contribuír á xestión e á coordinación nacional de iniciativas estratéxicas de I+D+i nacionais ou internacionais.
d) Modalidade Redes para Plans Complementarios: encamiñadas a planificar actividades futuras no marco da coordinación entre as comunidades autónomas e o Ministerio de Ciencia, Innovación e Universidades. Os plans complementarios inclúen entre outras a área de biotecnoloxia aplicada á saúde.
A contía máxima destinada a financiar esta convocatoria é de 6.600.000,00 euros.
O prazo de presentación de solicitudes comeza o día 10 de xuño de 2026 e finaliza o día 1 de xullo de 2026 ás 14:00 horas (hora peninsular española).
No lateral dereito dispoñedes da Convocatoria, extracto da covocatoria e a fichas resumo da mesma.