A metodoloxía Lean é un modelo de xestión enfocado á creación de fluxo para poder entregar o máximo valor para os clientes/usuarios, utilizando con tal obxectivo os mínimos recursos necesarios. Este modelo xa se utiliza con éxito en gran cantidade de países entre os que se encontran Estados Unidos ou Xapón, e cada vez ten máis relevancia en España.
Os vídeos da canle de YouTube da Axencia de Coñecemento en Saúde “P2P de competencias de investigación e innovación”, permiten coñecer, dun xeito rápido e visual, os fundamentos do método Lean. Trátase de vinte vídeos de apenas un minuto de duración cada un no que se aborda o concepto, principios, métodos de implantación e outras bases. A listaxe de vídeos é a seguinte:
01- Que é Lean
02- As dúas caras do Lean
03- Os principios de Taiichi Ohno
04- Os 5 principios Lean
05- O sexto principio
06- Muda Muri Mura
07- Tipos de Muda
08- Os 14 principios de xestión de Toyota
09- Lean e Seis Sigma
10- Como implantar Lean
11- Genchi Gembutsu
12- Os 5 por qué
13- Estandarización
14- Polivalencia
15- 5S
16- Xestión Visual
17- Poka Yoke
18- Kanban
19- Kaizen
20- A3
A canle de Youtube “P2P de competencias de investigación e innovación” atópase dentro da páxina web da Axencia de Coñecemento en Saúde, dentro do apartado “Formación” en “Autoformación”. Os vídeos están organizados en listas de reproducción, coma os “Proxectos da Plataforma de Innovación Sanitaria”, ou as pílulas sobre Metodoloxía da Investigación, Bioestadística e moitos outros temas de interese.