Este documento realizouse ao amparo do convenio de colaboración suscrito po lo Instituto de Salud Carlos III, organismo autónomo do Ministerio de Economía e Competitividade e a Consellería de Sanidade da Xunta de Galicia, no marco de desenrrolo de actividades da Red Española de Agencias de Evaluación de Tecnologías y Prestaciones del SNS, financiadas por el Ministerio de Sanidad, Servicios Sociales e Igualdad

O tratamento de elección para a estenose aórtica grave sintomática é o recambio valvular cirúrxico, non obstante, non é posible realizalo en todos os pacientes. O implante transcatéter de prótese valvular aórtica (TAVI) formulouse como unha alternativa á substitución valvular cirúrxica en pacientes con contraindicación para a cirurxía valvular aórtica ou con elevado risco cirúrxico.

Neste documento desenvolvéronse indicadores de calidade, baseados na evidencia científica e a opinión de expertos, que permitan monitorizar o implante transcatéter en termos de seguridade, efectividade e impacto organizativo.

A proposta inicial de indicadores de calidade baseouse na revisión sistemática da literatura científica sobre a eficacia e seguridade do implente valvular transcatéter.

A selección e definición dos indicadores definitivos realizouse coa colaboración dun grupo de expertos clínicos do Sistema Nacional de Saúde, que cualificaron os indicadores propostos segundo a súa importancia, seguindo o método RAND/UCLA.